Aizawla hrui zamte senghawi mek

G20 Core Committee chu an chairman H Lalengmawia, Home secretary hoin nimin khan Secretariat conference hall-ah March 2, 2023-a Aizawla B20 Meeting neih tura inbuatsaihna thlirin an ṭhukhawm. Aizawla hrui inzamte ṭáwn khawmin senghawi mek a ni a, February 24, 2023 aia tlai loah zawh beisei a nih thu tarlan a ni.

Ṭhutkhawmah hian sub-committee pakuate hmalakna leh hmachhawp bakah, harsatna an neihte sawiho a ni a; Power & Electricity department hmalaknain Aizawla hrui inzam hnawkte senghawi mek a nih bakah, Sub-Committee on Beautification, Cleanliness and Hoarding/Banner-te'n Lengpui aṭanga Aizawl kawngpui dungte tifaiin bawlhhlawh leh hnawmhnawkte senghawi dan tur an ruahman mek.

Aizawl khawpui chhung a theih ang anga tihfai leh chei dan tur ruahman mek a ni a, chuta tan chuan local council-te nen February 18 & 28-ah hnatlang koh a ni.

Committee chuan, Lengpui leh Aizawl inkar kawng dunga chêngte leh Aizawl mipuite chu faina leh thianghlimna lama hmalakpuiah an sáwm bawk.