Chawlh la tum ve lo Olivier Giroud

Olivier Giroud chuan France tana inkhelh chhunzawm a la tum, tun hnaiah Karim Benzema leh Raphael Varane ten ram tana inkhelh an chawlhsan, anni pahnih hnung zui mai a la tum lo.

Giroud hi kum 36 mi a ni tawh a, ram tan match 120 aṭanga goal 56 khungin ani aia khung hnem an awm lo. A vanglai a pel tawh a, coach Didier Deschamps tan rilrawl a neih chi ni tawh lo mah se chhawr tlak chu a la ni.

AC Milan striker Giroud chuan, "Les Bleus tana ka hun a la zo loah ka ngai, match khelh leh tur pawh ka neih ngei ka beisei. Boot khai mai turin ka la inpeih lo a, jersey pawl hak chhunzawm chu ka thinlungin a duh," a ti a, amah ngainatute tan a thlamuan thlak ang.

Italian champion Milan tan pawh Giroud hi player pawimawh a la ni reng. Serie A an match hnuhnung berah pawh Torino lakah goal awmchhun a khung a, a zawna match sarih chak ni hmel an hmuh loh hnuah a team a chakpui.

Stefano Pioli naute hian Champions League last 16 first leg-ah Tottenham an hneh zui a, inrintawkna an nei sang leh tawh khawp ang. Zanin dar 10:30 hian league match khel turin Monza an lehchilh ang.