NE NSS Festival-ah tel dawn

Mizorama National Service Scheme (NSS) volunteer 33 leh NSS programme officer pakhatte chu January 16-20, 2020 chhunga Tezpur, Assam-a neih tura North East NSS Festival-a tel turin nimin khan Aizawl an chhuahsan.

NE NSS Festival-ah hian India hmarchhak state pariat aṭangin NSS volunteer 300 vel tel tura beisei a ni a; Mizoram aṭanga tel NSS volunteer-te chu college panga aṭanga thlan khawm an ni. Festival chhungin mithiamte'n thupui hrang hrang an zirpui dawn a, state hrang hrang aṭanga telte'n an hnam làm leh zaite an entir dawn bakah, Tezpur University leh khaw chhung hmun pawimawhte fanpui an ni ang.