Quarantine mek a tlân chhuak

Zoram Medical College (ZMC)-a khung hran mek hmeichhia pakhat chu nimin khan a tlân chhuak a, hmuh leh a nih hnuah ZMC-ah dah luh leh a ni tawh. Amah hi Covid-19 kai nia inngai, rilru lama chian lohna nei a nia thu dawn a ni.

ZMC aṭanga thu dawn danin, March 2020 khan Mizoramah a rawn haw a, quarantine centre-ah a hun hmang zo tawhin chhuahtir a ni. Tun hnaiah ZMC-ah a kal leh a, ram dang aṭanga Mizorama haw hlim angin a insawi a; rilru lamah chian lohna a neih avangin Covid-19 kaiah a inngai tlat niin an sawi.