Police-in kuhva rah an man

Champhai police-te chuan February 17, Zirtawpni khan New Champhaiah Vanthangliana (36) s/o Ngurdawla, Ngúr khua nia inchhál hnen aṭangin kuhva rah ro ip 40 (kg. 1,600) an man a, Champhaia Custom Preventive Force hnenah dan anga hmalak zui turin an hlân.

Saitual police pawhin February 18, Inrinni zingah khan truck (tipper) pakhatah kuhva rah ip 51 (kg. 4,000) an man a, lirthei khalhtu Lalropuia (32) s/o Lalramthanga, Durtlang Leitan Ramthar Veng nia inchhál an man nghal. Kuhva rah hi a chung lam, a lang theiah leivûngin an khuh a ni.