KHAWTHLIR

KTP-in thisen pe
KṬP, Bethlehem Branch chuan an branch din champha leh KṬP Day pualin February 18, Inrinni khan Synod Hospital tan thisen unit 49 an pe a, petute mipa 45 leh hmeichhia pali an ni.

Air India  tàwp dawn
Air India chuan Mizoram (Lengpui Airport)-a thlawhtheihna an thlawhtir ṭhin chu March 18, 2023 aṭangin an titàwp dawn. Hemi chungchangah hian Air India hotute'n Lengpui Airport thuneitute hnenah February 18, 2023 khan hriattirna lehkha an thawn a ni.

Heroin man
Champhai police-te chuan February 17, Zirtawpni zan khan heroin gram 35 leh a neitua puh Lalhmachhuana (25) s/o K Lalmuanpuia(L), Zuangtui, Aizawl nia inchhál an man a, NDPS Act tlawhchhanin thubuai an ziak lut nghal.

Hnam dang service khap
Mizoram Pick-up Drivers & Owners Association chuan thuchhuah siamin, Mizoram chhunga hnam dang driver-te'n pick-up khalha ei an zawng ve chu an eizawnna tichhetuah ngaiin, March 1, 2023 aṭang chuan Mizoramah pick-up khalha ei an zawn ve an remti dawn tawh lo tih an tarlang.
Mizoram Pick-up Drivers & Owners Association chuan, "Kan thu pawisa lo an awm nih chuan eng thil pawh an chungah thleng se, mawh kan phur lo ang," an ti.ṭ

Union MoS-in tlawh
Sorkar laipuia Telecommunications minister of state Devusinh Chauhan chuan February 18, Inrinni chawhma khan Serchhip Kawlri tlanga hmun pawimawh - Chawngpuii Khawthlir, Eklavya Model Residential School, Mary Winchester (Zoluti) lâk lêt a nih hriatrengna lungphun leh New Serchhipa Agriculture Complex-te a tlawh. Chawhnu lamah BJP, Mizoram Pradesh pisa a tlawh bawk. Minister hian vawiinah Mizoram a chhuahsan ang.