Lunglei Market & Trade Centre lung phúm

Commerce & Industries minister Dr R Lalthangliana chuan February 18, Inrinni khan Lunglei Bazarpui tualah Lunglei Market & Trade Centre sak tur lungphùm a phúm.

Lunglei Market & Trade Centre hi North Eastern Council aṭanga hmuh cheng nuai 1403.40 hmanga sak tur a ni a; contractor chu Lalzothanga, Maubawk, Aizawl niin, August 25, 2024-ah sak zawh tura ruahman a ni.

Dr R Lalthangliana chuan, Market & Trade Centre ruahman tur leh ruhrel dang ruahmante chu neitu chan changa uluk taka vilpuia enkawlpui turin veng neitu VC, YMA leh khawtlang mipui a chah.

Lunglei Market & Trade Centre-ah hian dawr 339, lirthei 30 lenna car parking, two wheeler 71 lenna parking, police beat post, market office, inthiarna 34, kudam, bawlhhlawh dah khawmna leh thil dangte a awm dawn a ni.