ZPM Ṭhalai-in PAHOSS hnuaia ṭanpuina Pek kim loh chhan sawifiah an phût

ZPM Ṭhalai chuan, MNF sorkarin an ruahman Parking House Support Scheme (PAHOSS)-ah MNF sorkar term tàwp dawn thlengin ṭanpuina sum la dawng kim lo an awm tih tarlangin, sum dawng kim lote la dawn kim loh chhan sawifiah turin sorkar an phût.

ZPM Ṭhalai thuchhuah chuan, February 17, 2023 khan ZPM Ṭhalai hruaitute'n Aizawl hmun hrang hranga PAHOSS aṭanga parking house sakte an enfiah a, parking house satute'n an sa ṭha thawkhata an hriat thu a tarlang a, ṭanpuina first instalment dawng, a dang dawn chhunzawm ta lo an awm nual tih tarlangin, "MNF sorkar term tàwp dawn thlenga sum la dawng kim lo an awm hi sawifiah turin MNF sorkar kan phût," a ti a, ruahmanna felfai zawka kalpui turin sorkar

an ngen.

PAHOSS chu Aizawl khawpuia traffic jam tihziaawmna tura ruahman a nih laiin, parking tam zawk sakna chu a hmun leh véngin a zir lo hle tih sawiin ZPM ṭhalaite chuan, "Parking house sak tam zawk hi chuan Aizawl traffic tâwt a chhâwk zângkhai a rinawm loh," an ti a; PAHOSS sum dawng, hmang dik tâwk lote hremna mumal siam turin thuneitute an phût tih an sawi bawk.