Union Minister leh CM inkâwm

Union Communications minister of state Devusinh Jesingbhai Chauhan chu nimin zing khan chief minister bangla-ah a léng a, chief minister Zoramthanga nen an inkâwm.

Inkawmnaah hian Mizorama communication dinhmun leh hmalakna chungchang te, Mizoram economy hmasawnna te, economy hmasawnna leh communication hmasawnna chu kal kawp tlat leh ngaih pawimawh ngai a nih thute an sawi dun niin sorkar thuchhuahin a tarlang.

Devusinh Jesingbhai Chauhan hi February 17, 2023 khan Aizawlah a rawn thleng a, zan thum riakin, Serchhip district a tlawh bakah sorkar official-te a kâwm a; nimin khan Aizawl chhuahsanin Delhi a pan a ni.