Mi 436 tàn theihna tura siam CJ-ah mi 825 an táng mek

Aizawl district bawrhsap Lalhriat-zuali Ralte leh sorkar official-te'n nimin khan Central Jail an tlawh a; Central Jail chu mi 436 tàn theihna tura siam a nih laiin, mi 825 an tàn mek thu tarlan a ni.

Sorkar hotute hian Central Jail-a harsatnate leh hmalak theihna tur hrang hrang - táng chhuak, chhungte bula lêtna tur nei lo, harsa zawkte awm chhunzawmna tur leh inenkawl zuina (rehabilitation) tur siam leh Mizoram Social Defence & Rehabilitaton Board hmalakna leh scheme hrang hrang thlun zawm dan turte enfiahin an sawiho a; thubuai la chinfel lohte rang zawka chinfel theih dan turte sawiho a ni bawk.

Central Jail tlawhnaah hian Prisons inspector general Zarzokimi, Aizawl chief judicial magistrate Lalrochami Ralte, JMFC HT Lalmawizuala, mental health state nodal officer Dr Robert L Khawlhring, DIO Dr Laldinpuii Ralte, MSDRB chief executive officer Lalhlupuii Sailo, SDC R Lalrinzuali leh sorkar hotu dangte an tel a ni.