Health & wellness centre 368 siam

MNF member Dr L Thangmawia zawhna Health Minister aiawha chhángtu Home minister Lalchamliana chuan, tun hnaiah Mizoram sorkarin health & wellness centre 368 a siam thu Assembly House a hrilh.

Lalchamliana chuan, health & wellness centre-a thawk turin health & wellness officer lâk ṭhin a nih thu sawiin, "Health & wellness officer hi mi 310 lâk a ni tawh," a ti.

Lalchamliana sawi danin, kum 2019-2023 chhungin Mizoramah health clinic 235 hawn thar a ni a, health sub-centre quarters 25 sak thar a ni bawk.

Health clinic centre-a hman tur MLA-te'n an fund hmanga an lei chungchangah chief minister Zoramthanga chuan, "Bungraw man to a ni chuang lo a, MLA fund aṭangte pawhin pui zel ila. Sorkar lam aṭang pawhin kan pui ang," a ti.