PUC-ah Pianpui Ṭawng Ni hmang

Pachhunga University College (PUC) Mizo department chuan nimin khan an college lecture hall-ah Pianpui Ṭawng Ni (International Mother Language Day) an hmang.

Mother Language Day hmanna inkhawm hi PUC Mizo department assistant professor Dr Lalnunpuia Renthlei-in a kaihruai a, assis­tant professor Rem­lalthlamuanpuia'n Day thupui a sawi. BA leh MA Mizo zirlaite leh zirtirtute an tel a ni.

Remlalthlamuanpuia chuan, ṭawng chu hnam nihna kengtu a nih thu sawiin, "Hnam nunphung nen a inzawm tlat a, Mizo ṭawng pawh Mizo hnam nihna pawimawh tak a ni," a ti.

PUC Mizo department HoD Dr H Laldinmawia pawhin thu sawiin, "Mizo ṭawng chu Mizote ta a ni a, mahse, mi zawng zawng tan a ni bawk. Mizo ṭawng hi a neitute'n kan humhalh a, hman dik kan zir zel a ṭul," a ti a; mi tam zawkin Mizo ṭawng an hman theih nan ṭanrual a ṭul thu a sawi bawk.