Mizoramin kawlphetha leina Cheng vbc. 53.51 a ba mek

Power & Electricity minister R Lalzirliana chuan MNF member Dr K Pachhunga zawhna chhángin, Mizoram sorkarin January 31, 2023 thlengin kawlphetha lei man cheng vbc. 53.51 a bat thu Assembly House a hrilh.

R Lalzirliana chuan, kum khat chhunga kawlphetha leina senso zat kum tin a pangngai reng lo tih sawiin, "Kum 2021-22 chhunga power leina senso chu a vaiin cheng vbc. 4,000 a ni. Kum 2021-22 chhung hian hemi kum chhunga power man zawng zawng pek tlâk vek a ni lo. Electric bill mipui chawi pawisa tling khawm hian êng leina a daih lo," a ti.

Power & Electricity Minister tarlan danin, Mizoram thar chhuah kawlphetha megawatt zat chu a ngai reng lo a, a tlangpuiin fûr laiin megawatt 16 leh ṭhál laiin megawatt 6 vel a ni ṭhin.