Covid-19 chhungin Mizoram sorkarin CSR aṭangin cheng vbc. 2.26 a dawng

Health & Family Welfare minister Dr R Lalthangliana chuan MNF member Dr Vanlalṭanpuia zawhna chhangin, Covid-19 lên chhungin Mizoram sorkarin corporate social responsibility (CSR) kaltlangin ṭanpuina cheng vbc. 2.26 a dawn thu Assembly House a hrilh.

Health Minister tarlan danin, CSR aṭanga ṭanpuina dawnte chu - Health Services-in cheng vbc. 2.05, Health & Medical Education-in cheng nuai 14.15 leh Zoram Medical College-in cheng nuai 7.30 a ni a, a vaiin cheng vbc. 2.26 a ni. Sum bakah hmanrua eng emaw zat dawn a ni bawk.