Parva mipuite harsatna siam lo turin Central YMA-in BSF hotute an hrilh

Central YMA hruaitute chu asst. secretary Prof. Malsawmliana hoin nimin khan Durtlanga BSF hotute an kawm a, ramria BSF duty-te chu Parva-III mipuite harsatna siam tawh lo tura hrilh turin an hriattir.

CYMA hruaitute chuan, Parva-III khuaa BSF sipaiten raltlan ho leh khaw mipuite ralkhel taka an siam leh; rambuai dinhmuna ding ang maia khauh taka feh kal leh haw lamte Voter ID leh Aadhaar Card an check velte chu titawp nghal tur leh mipuite zalen taka an veivah a, thlamuang taka hna an thawha, nunphung pangngaia an nun leh nghalna turin, rang taka hma la nghal turin BSF hotute an hrilh.

BSF hotute chuan, Parva-III khuate harsatna tawh chu rang taka tihtawp a nih nghal tur thu CYMA hruaitute hi an hrilh a, "Tun hnuah pawh, harsatna awm palh thei thilah inpawh tlang taka chanchin inhrilh tawn a, dawhkan kila sawiho vat ṭhin ni se," an ti.