CYMA-in filling station an endik

Central YMA Kumpuan Sub-Committee member-te chuan February 20, Thawhṭanni khan Aizawl leh a chhehvela petrol pump/filling station-te an enfiah a, tuialhthei an neihte a ṭha tlangpui tih an sawi.

CYMA Kumpuan Committee member-te hi mi 16 an thawk chhuak a, páwl pahnihah inṭhenin filling station hrang hrang an endik a; filling station-a petrol leh diesel awm mekte chu pawlh dal a nih leh nih loh Legal Metrology hmanraw hmangin an endik a ni.

An endiknaah hian tuialhtheite chu a nih tur ang a tling ṭha tlangpui a, lawmawm an tih thu an tarlang.

Aizawla filling station-a petrol/diesel-te chu a awmna hmun azirin ni khatah litre 3,000 - 4,000 vel an hralh tlangpui a, filling station zinga pali-ah manager hnam dang an awm tih an hmu a ni.