Hmun pahnihah heroin man

Mizoram Police-a CID (Special Branch) leh 2nd Assam Rifles ṭang dun chuan February 20, Thawhṭanni khan Kulikawn YMA Hall bulah Robert Lalfakzuala (25) s/o Lalmuanvela, Zemabawk Field Veng nia inchhál hnen aṭangin heroin gram 51.55 (hawng 4) an man a, international market-ah cheng nuai 25 hû a ni.

Police-te'n Robert Lalfakzuala thu an zawhfiahna kal zelah ruihhlo man neitua puh Chharthari (40) w/o Hrangkima, Tahan F Group, Myanmar man a ni bawk.

CID (SB)-te hian nimin zing khan Bethlehem Vengthlanga C Vanlalruata petrol pump bulah Janglal (29) s/o Tonglam, Msonggel, Manipur nia inchhál hnen aṭangin heroin gram 293 (hawng 22) an man bawk a; cheng nuai 146.5 hû a ni.