Kawng chhâwng la neih loh chhan Chief Minister-in House a hrilh

PWD changtu chief minister Zoramthanga chuan ZPM member Vanlalhlana zawhna ziaka chhângin, Mizoramin kawng chhâwng a la neih loh chhan a tarlang. Vanlalhlana hian tun thlenga kawng chhâwng la neih loh chhan a zâwt a ni.

CM Zoramthanga chuan, Vaivakawn kawng péngṭhuam leh Bawngkawng péngṭhuama flyover bridge siamna atan Mizoram PWD-in ruahmanna a kalpui reng tih a tarlang a, "Zirchianna neitu tur consultant-te nen pawh agreement April 2, 2020 khan ziah fel a ni tawh," a ti.

Covid-19 avangin ruahmanna angin hna a thawh chak theih ta lo nia tarlangin Chief Minister chuan, "Zirchianna pawh ruahman hun aia tlaiah zawh fel theih chauh a ni," a ti a; chu'ngte avang chuan kawng chhâwng siamna tura hmalaknate chu beisei aiin a tlai ta niin a tarlang.