CSS-a thawk páwl hrang hrangin Coordination Committee an din

Mizoram sorkar de-partment hrang hranga centrally sponsored scheme (CSS) hnuaia thawk pawl hruaitute chuan nimin khan an harsatnate an sawiho a; an harsatnate leh hamṭhatnate bawhzuitu tur Coordination Commi­ttee an din.

CSS hnuaia thawk pawl hrang hrang hruaitute chuan harsatna an tawh ṭheuhte sawiin, hmalak dan turte an sawiho a; hlawh lâk mumal theih loh vanga harsatna an tawh te, hamṭhatna tur an mamawh dante leh dinhmun ṭha zawk an neih theih dan turte an sawiho a ni.

Kalkhawmte chuan resolution an siam a, 'Sorkarin a din CSS employee-te tana Study Group on CSS-in reco-mmendation a siam hi Cabinet Meeting neih leh hmasak berah min ngaihtuahsak ngei rawh se' an ti.

CSS hnuaia thawkte harsatna leh dinhmun ṭha zawk an neih theihna atana hma latu tur Coordination Committee an din tharah hruaitu an inruat nghal a; chairman-ah Malsawmtluanga Hauhnar (NHM, Health department) leh gene­ral secretary-ah Lal­biaknunga (Samagra, School Education department) -te an ruat. Office bearer dang zingah AMMSAT (Rural development), MASWA (Agriculture department) leh MCPSSW (Social Welfare department)-a mite an tel a ni.