Restricted tender hmangin Sports dept.-in hna 48 a pe

Sports & Youth Ser­vices minister Robert Romawia Royte chuan, ZPM member Lalduhoma leh INC member Zodin­tluanga zawhna ziaka chhángin, kum 2019 aṭangin SYS department-in restricted tender hmangin hna 48 a pek thu a tarlang.

Sports Minister tarlan danin, kum 2019-ah tender loa hna pek an nei lo a; chutih rualin, department work 60 thawh a ni a, chu'ngte chu minor work, repair & renovation hnate niin, sum sên zawng zawng chu cheng nuai 108.49 a ni.

ZPM member Dr Van­lalthlana zawhna chhangin Robert Romawia chuan, "State aiawha kal chhuakte an inkhelh­naah accident emaw hliam an tawh palhin MSSC-in an inenkawlna senso ṭanpuina a pe ṭhin," a ti.

SYS Minister chuan, MSSC hnuaiah sports promotion fund tihching­pen a awm leh awm loh zawhna chhángin, "Awm nia rin a ni," a ti a; sum tihchingpen chhuitu tur committe dinin hmalak mek a nih thu a tarlang.