'Ram leh hnam humhalh' zirho

Mizoram Pradesh Congress Committee (MPCC) chuan nimin khan Congress Bhavan-ah 'Ram leh hnam humhalh' tih thupui zirhona an buatsaih a, Lalrinmawia Sohnel-in thupui a sawi a, sawihona leh zawhna leh chhanna hun hman a ni.

Lalrinmawia Sohnel chuan, Mizorama sualna lian ber chu eirûkna a nih thu a sawi a, "Eirûk nasa lutukin ruihhlo hi a ken tel a ni. He ram hi kan ta a ni a, nang leh keiina kan hmangaih lohin tu nge hmangaih ang? Kan level ṭheuhah ram kan hmangaih thei a ni," a ti.

PWD engineer-te'n hna an thawk chhia an ti lo tih sawiin Lalrinmawia Sohnel chuan, "Mahse, in enkawl kawng a chhe lutuk, kan ngaisang lo che u," a ti a; truck aṭanga lung hlángthlatu pawhin ram a hmangaih a ngaih thu a sawi.