Aizawl Day Film Festival buatsaih a ni

Aizawl Municipal Corporation, Information and Public Relations department leh Mizoram Film Forum-te chuan Aizawl Day (February 25) pualin nimin aṭang khan IPR Auditorium-ah Aizawl Day Film Festival an buatsaih a, Aizawl mayor Lalrinenga Sailo-in a hawng.

Aizawl Day Film Festival hian February 24, naktuk thleng a awh dawn a, Festival chhungin ni tin film chi hrang hrang tihchhuah ṭhin a ni ang a, naktuk tlaiah khar a ni ang.

Lalrinenga Sailo chuan, Aizawl din champha vawi 133-na thleng turah Aizawl mipui chibai a bûk a, "Aizawl khawpui mi 4,50,000 vel chên mekna hian hma a sawn zelna tur leh duat taka enkawl hi kan zavaia koah a innghat a ni," a ti a; Mizo film industry tan AMC-in remchang buatsaih zel a tum thu a sawi.