World Thinking Day hmang

Nimin kha World Thinking Day a ni a, Kolasib leh Serchhip district-ah Bharat Scouts & Guides-te'n an hmang a, district bawrhsapte'n an hmanpui.

Kolasib-ah chuan Bharat Scouts & Guides district president John LT Sanga, bawrhsap hoin DC Conference Hall-ah hman a ni a; sikul chawlh laia scouts & guides-te tan hiking buatsaih dan tur leh hiking chhunga hun hman dan tur - vote thlak pawimawhna, tuihna humhalh leh faina kawnga hmasawnna tur inzirtirna buatsaih dan tur an rêl a ni.

Serchhipah chuan Chawngbuangi Memorial School-ah an hmang a, Bharat Scouts & Guides district president Nazuk Kumar, bawrhsapin a hmanpui. Little Flower Convent School, Chawngbuangi Memorial School leh Millenium High School, Chhiahtlanga Scouts & Guides-te'n thil chi hrang hrang an entir.

World Thinking Day hi kum 1926-ah hman ṭan a ni a, Scout & Guides dintu Lord Robert Biden Powell leh a nupui Lady Baden Powell te chawimawina atan an pian champha February 22-ah ṭhin a ni.