MSL8 All Star a turu dawn Papuia vs G'nie

Mizoram Super League All Star Game a hnai, basketball thiam bik thlan chhuah bakah Mizo milar tak tak inlanna tur a ni dawn. February 25, Inrinni zana ennawm ropui chhawp chhuah turah hian Papuia leh G'nie an inhmachhawn dawn! Tun ṭum chu boxing a ni lo, basketball huangah zawk aw.

An eizawnna kawnga mi bik pahnih, actor Papuia leh rapper G'Nie te hian team an nei dawn, mimala inhmachhawn tur ni lo mah se team enkawltu an nih dawn avangin an inbeihna hi a sang dawn. Lo chhinchhiah rawh u, a pui dawn chiang.

Papuia leh G'nie te hi an kalna lamah chuan 'top' ve ve an ni a, infiamna huangah pawh an mikhual lo. Tun hma deuh khan ring chhungah boxing hmuhnawm tak pawh min lo chhawpchhuahsak tawh a ni.

Tun ṭum All Star Game hi Team Mt. Carmel leh Team St. Joseph tih an ni a, school ṭha pahnih hian lehkha zirna bakah infiamna an ngai pawimawh, basketball ngaina tak school an nih avangin mipui an pungkhawm hnem dawn tih a chiang.

R. Dengṭhuama Indoor Stadium, Mualpuiah mipui an pungkhawm hnem dawn a, anni hian basketball chauh ni loin zai mawi tak ngaihthlak tur an nei dawn - Ṭhalaite duh rawn K. Hminga chuan kalkhawmte a lamtir dawn, a kal lo lo chu lenlai chan an ni mai.