PWD-in vbc. 190.73 an bá
PWD changtu chief minister Zoramthanga chuan ZPM member C Lalsawivunga zawhna ziaka chhángin, Mizoram PWD-in contractor, supplier leh company/firm hrang hrang sum cheng vbc. 190.73 a bá tih a tarlang.
Chief Minister tarlan danin, tun dinhmunah Mizoram PWD hnuaiah contractor bill ba tlingkhawm cheng vbc. 165.56 leh supplier bill ba tlingkhawm cheng nuai 7.66 a awm. Company/firm hrang hranga PWD leiba tling khawm chu cheng vbc. 24.92 a ni bawk.