Mizo ram leh hnam milin P/S zirlaibu siam duh

Mizoram Primary Teachers' Association (MPTA) chuan nimin khan Synod Conference Centre-ah Councillor Meeting vawi 38-na an hmang a; resolution siamin, 'Primary school textbook hi Mizo ram leh hnam mila siam ni rawh se,' an ti.

MPTA resolution dangte chu - 'NEP (New Education Policy) 2020-in ruahmanna a siam ang hian primary school-ah hian Balvatika leh Class-V hi primary school-ah hian dah tawh rawh se,' tih leh, 'Headmaster separate scale, UG headmaster pay condonation leh headmaster groub B gazzetted status hi sorkarin min tihhlawhtlinsak rawh se,' tih a ni.

MPTA Councillor Meeting-ah hian chawhma lamah an member thite sûnna hun an hman bakah, zirtirtu ṭha chawimawina dawngtu (state awardee) P Lalbiakzuala hnenah lawmpuina thuziak an hlan a; chawhnuah kum 2023-2025 chhunga an hruaitu turte an thlang a ni.