ZPM Ṭhalai chêt dan âtthlâk ti

MNF ṭhalaite chuan thuchhuah siamin, ZPM ṭhalaite nimina Assembly House bula an inhâwr khawm leh bengchheng an siam chu âtthlâk an tih thu an tarlang.

MNYF chuan, "Thu dik lang reng chung leh House chhungah pawh ngaihdam dil a ni tawh chunga hetianga session tibuai zawnga ZPM ṭhalai mi tlêmtêin thil an ti duh hi Assembly House zahawmna tihbawrhbàn tumnaah kan ngai," an ti.

MNF ṭhalaite chuan, kalphung thar zuartu ZPM MLA-te'n infiammite tana hriat nuam lo khawpin infiamna lama hmasawnnate an mausam a, nuihzat leh diriam takin an sawi fo nia sawiin, "Sim tawh turin kan duh. Aizawl South-II MLA-in futsal chungchanga medal pawh awm lo anga a sawi kha a hriat loh thlakin, infiammite dêusawhnaah kan ngai a, ngaihdam dil turin kan phût," an ti a; infiammite rilru an tiná nia sawiin, ngaihdam dil turin ZPM an phût a ni.