Aizawl din champha lawm mek a ni

Mizoram khawpui Aizawl chuan vawiin February 25, 2023 hian kum 133 a tling ta a, Aizawl Municipal Corporation (AMC) buatsaihin Lammualah a lawmna hun hman a ni dawn.

Aizawl Day vawi 134-na hi a champha thlen hma aṭangin kawng hrang hrangin lawm a ni a, February thla laihâwl vel aṭang khan AMC ward hrang hrangte football-a inelna buatsaih niin, nizan khan final khelh a ni. February 22-24 chhungin IPR Auditorium-ah Film Festival buatsaih a ni.

February 23 aṭang khan Lammualah Aizawl Fair ṭan a ni a, zanin dar 9 thleng tlawh theih a ni ang. Fair-ah hian thil chi hrang hrang zawrhna leh pho chhuahna stall 92 a awm. February 23-ah vek Aijal club-ah conclave buatsaih niin, Aizawl Day souvenir lehkhabu tlangzarh a ni a, nizan khan Lammualah Band Contest buatsaih a ni bawk.

Aizawlin kum 133 a tlin champha lawmna pui ber chu vawiin hian hman a ni dawn. Zing karah Aizawl Day Run huaihawt a ni dawn a, chawhnu dar 2-ah Day Lawmna inkhawm pui ber Lammualah buatsaih a ni ang.