Covid vangin vbc. 2,370.80 hmu lo

25th February, 2023

Finance department enkawltu chief minister Zoramthanga chuan INC member C Ngunlianchunga zawhna ziaka chhángin, hun pangngaia Mizoram sorkarin sorkar laipui aṭanga sum a hmuh ṭhin, Covid-19 avanga a hmuh tâk loh chu cheng vbc. 2,370.80 a nih thu a tarlang.

Chief Minister tarlan danin, Covid-19 avangin kum 2019-20 chhungin Share of Central Taxes-ah cheng vbc. 867.39 hmuh a ni lo a, kum 2020-21 ah pawh Share of Central Taxes aṭangin cheng vbc. 957.41 hmuh a ni lo. 15th Finance Commission Special Grants cheng vbc. 546 hmuh a ni lo bawk.