Sorkar ṭha kan siam hun a hnai zel - MPCC Vice President

Mizoram Pradesh Congress Committee (MPCC) vice president Lal Thanzara chuan, Mizoram tan Congress party-in sorkar ṭha an siam hun a hnai zel niin a sawi.

Nimina Congress Bhavan-a inkhawma thusawitu Lal Thanzara chuan, ṭhalai rilru fím leh ngaihtuahna hmangtute'n sorkar ṭha siam turin Congress party an zawm zel nia sawiin, "Congress party-ah mipuiin rinna an nghahzia tilangtu a ni a, ni tin Mizoram tana sorkar ṭha kan siam hun a hnai zel a ni," a ti.

Congress Bhavan-a political session-ah hian Mizoram University assistant professor Dr C Lalengzama'n 'Mizoram loneitute eizawnna, an harsatnate leh hmalak dan tur' tih thupui a sawi a ni.