Jail tâwt tihziaawm dan tur sawiho

Champhai District Crime Review Commitee & Under Trial Review Commitee chuan nimin khan an chairman Liansangzuala, District & Sessions judge kaihhruaiin a pisaah an ṭhukhawm a; thawktu indaih lohna leh jail tâwt lutuk tihziaawm dan tur an sawiho.

Thutkhawmah hian Champhai District Jail-ah thubuai la chinfel loh mipa 100 leh hmeichhia 13 an táng mek a, thiam loh chantir tawh mipa 21 leh hmeichhia pahnih an táng mek tih tarlan a ni a; jail tâwt lutuk tihziaawm dan tur sawiho a ni.

Champhai Judicial District hnuaia thawktu indaih lohna a ṭul anga hnawhkhah theih dan tur te, Excise outpost neih dan tur te, Directorate of Prosecution siam a ṭul dan te, hmeichhia pawi khawih an awm chánga buaipui thei tur force lamah hmeichhia mamawh belh a nih dante thuneitu sang zawkah thlen an rêl bawk.

Mizoramah judicial district pathum - Aizawl, Lunglei leh Champhai a awm mek a, thubuai a tam avangin high court-in Champhai Judicial District-ah chak zawka thubuai chinfel a nih theih nan POCSO Fast Track Court a dah. Khawzawlah chief judicial magistrate ṭhutchilh court din tura hmalak mek a ni.