Chakai farm-ah nuai 39 sêng tawh; Sum lak luhna atan a ni lo - Minister

Fisheries minister K Lalrin­liana chuan INC member C Ngunlian­chunga zawhna ziaka chháng­in, Kolasib district-a Dumluia chakai farm siam leh enkawlna atan cheng nuai 39 sên a nih tawh thu leh, chakai farm chu sum lak luhna atana tih a nih loh thu a tarlang.

Fisheries Minister tarlan danin, Dumluia chakai farm hi pilot project tura siam a ni a, April 2020-a bulṭan niin, hmalak chhunzawm zel a ni. Departmental work-a thawh a ni a, sum hman tawh zawng zawng chu cheng nuai 39 a ni.

Chakai farm aṭanga hmuh tawh zat zawhna chhángin K Lalrinliana chuan, "Chakai farm hi enchhinna/ zirchianna (pilot project) a nih angin a hlâwkna ûm leh sumdawnna ang záwnga hralh chhuah leh sum lak luhna atana kalpui a ni lo," a ti.