AICC inkhawmpuiah Lalsawta'n thu a sawi

Rajyotsav Ground, Chhat-tisgarh-a All India Congress Committee (AICC) 85th Plenary Session-ah Mizoram Pradesh Congress Committee president Lalsawta a tel a, February 25, Inrinni khan vantlang inkhawmah thu a sawi.

Lalsawta chuan, India ram state dangte pawhin an entawn tham Mizoramah sorkar ṭha din a tum thu sawiin, "Chutiang turin Mizoramin mipui ṭha tak kan nei a, Pathianin ram ṭha tak min pe. Kumin inthlanah sum tha chakna chhut chah ka tum a, sorkar ngei kan tum," a ti.

Congress party President sawi danin, Congress sorkarah chuan ram mipui an retheih laia ram roreltute an hausak thûr thûr a rem ve dawn lo a ni.

AICC 85th Plenary Session-ah hian India ram state hrang hrang aṭangin AICC member mi 15,000 vel an kal khawm a, Congress Working Committee chungchang leh kum 2024-a Lok Sabha inthlan awm tura hmachhawpte ngaihtuah a ni.

MPCC President bakah Mizoram aṭangin AICC Member CS Thanga, MPCC spokersperson Dr. Lallianchhunga, Mahila president Vanlalawmpuii Chawngthu, MPYCC president Dr Lalmalsawma Nghaka te pawh AICC 85th Plenary Session-ah hian an tel.