CM-in Zarkawt community hall hawng

Chief minister Zoramthanga chuan February 25, Inrinni khan Zarkawt Community Hall a hawng. Hall hi Congress party sorkar laia policy pakhat, New Economic Development Programme (NEDP) aṭanga hmuh cheng nuai 700 hmanga sak a ni.

CM Zoramthanga chuan, sorkar hmasain hall sakna tur sum ruahmana bul a lo ṭan tawh hawn a ni ta chu lawmawm a tih thu sawiin, "Hripui léngin hnathawh tikhaihlak deuh mahse ṭha taka chhuah a ni hi ka lawmpui. Mizote vanneihna chu community anga inhlâwm fel taka kan awm hi a ni a, mipui kan inphuar khawm ṭhat hian kan ram leh hnam min tichak a ni," a ti.

Zarkawt Community Hall hi October 4, 2018-ah sak ṭan niin, January 31, 2023 khan sak zawh a ni a, contractor chu Suvidha Infrastructure, Upper Khatla a ni. Chhâwng nga niin, chhâwng tin zau zawng belh khawm chu sq.m 1,382.80 a ni a; chowkidar quarters, mi 210 lenna hall, lirthei dahna leh badminton hall-te a awm.

Chief Minister hian Inrinni vêk khan Zarkawt khelmuala hnathawh mek a enfiah bawk.