In pakhat leh lirthei pathum a kâng

Nimin zing dar 9:30 vel khan Chawnpui Venga Assam type in ruak a kâng a, lirthei pathum leh thil dangte kâng chhiain, kâng chhia hlut zawng chu Rs 8,30,400 vela chhût a ni. Kângmei chhuah chhan hriat a ni lo.

Fire & Emergency Services aṭanga thu dawn danin, in kâng hi Lalhmunsanga in a ni a, hnam dangin luah ṭhin mah se, luahtu an awm loh lai a ni. In kâng hian a bul maia awm lirthei pathum - i10 car pakhat leh bike pahnih man kaiin, a kâng chhe vek a, a vaiin Sangthanzuala ta a ni. Lirthei pathum bakah, plastic tuizem pahnih leh plastic septic tank pakhat a kang chhe bawk.

FES lam pawhin zing dar 9:37-ah thu an dawn angin an che chhuak nghal a, Khatla, Aizawl, Bawngkawn leh Kulikawn fire station aṭangin kangṭhelh lirthei pakhat ṭheuh an chhuak a ni.