Kawng chhâwng atan DPR siam lo

Mizoram PWD chuan Aizawl khawpui chhunga kawng chhâwng siamna turin detailed project report (DPR) an la siam lo.

PWD changtu chief minister Zoramthanga chuan INC member Zo­din­tluanga Ralte zawhna ziaka chhángin, "Aizawl khawpui chhunga kawng chhâwng siamna tur DPR siam a la ni lo. DPR hi siam a la ni lo a, a copy pek tur a awm rih lo," a ti.

Chief Minister-in ZPM member Lalduhoma zawhna a chhàn danin, Mizoram PWD hnuaiah contractor-te'n hmun 67-a hna an thawhnaah bill an la la thei lo a, an bill lak theih loh zat belh khawm chu cheng vbc. 65.94 a ni.

CM Zoramthanga'n ZPM member Lalchhuan­thanga zawhna a chhan danin, kum 2019 aṭangin PWD-in restricted tender-in hna 121 a pe tawh a, chu'nga sum sèn zat chu vbc. 630.27 a ni.