Cancer and Research Centre atan inremna thuthlung ziak

Japan International Cooperation Agency (JICA) ṭanpuinaa cheng vbc 700 sênga Mizoram State Superspeciality Cancer and Research Centre, Zemabawka din turah loan pûk tura inremna (loan agreement) nimin khan New Delhi-ah India sorkar leh Japan sorkar aiawhte'n an ziak.

Thuthlungah hian sorkar laipui aiawhin Ministry of Finance hnuaia department of Economic Affairs additional secretary Rajat Kumar Mishra-a'n hming a ziak a, Japan sorkar aiawhin JICA chief representative Saito Mitsunori chuan hming a ziak. Mizoram sorkar aiawhin MSCI director Dr Jeremy L Pautu, JICA project coordinator ni bawk leh Health department OSD Dr Hmingthankimi Ralte te an tel a ni.