Mat lei dawh chhiat vangin siamṭhat phût

Mualṭhuam South VC leh YMA, MUP leh MHIP-te telna Joint NGO chuan, Mualṭhuam South leh Ṭhualṭhu inkara lei (suspension bridge) dawh chu a chhiat em avangin siamṭha leh turin contractor/supervisor an phût.

Mualṭhuam South Joint NGO hian nimin khan lei siamtu contractor hnenah lehkha an thawn a, "Mualṭhuam South leh Ṭhualṭhu inkar Mat lei dawh zawh tâkah sum sanction kan chhûtin duh thu a sâm lo hle a. Hetiang hian min siamṭhatsak leh turin Mualṭhuam South Branch YMA chuan ruahmanna kan siam a, min tihhlawhtlinsak ngei turin kan ngen a che," tiin, an duh dante an thlen.

Lei hi SEDP sum cheng nuai 35 hmanga dawh a ni a, contractor chu H Lalhmingmuana, Theiriat, Lunglei a nia thu dawn a ni.

MUALṬHUAM SOUTH DUH DAN
▶ Mualṭhuam South lama thirchakai (a hruipui inphûmna) a nih dan tur taka phûm ṭhat.
▶ Mualṭhuam South lama kailàwn siamṭhat.
▶ A kalkhang atan alluminium pipe rin tlak tak hman.
▶ A chhuat phah thingphel a thara thlâk a, a dung zawnga phah.
▶ A khaina thîr a thara thlâk.
▶ A bang leh a chhuatah thirlen phah/zam.