Pawl hrang hrangin UCC duh lo

Central YMA huai­hawtin nimin khan CYMA office-ah Uniform Civil Code (UCC) chungchang sawiho a ni a, political party leh pawl hrang hrang aiawhte an tel. UCC chu an duh loh thu leh Mizo ram, hnam leh sakhua a him zel theih nan theihtawpa ṭanho zel an duh thu an tarlang.

UCC chungchang sawihona hi CYMA president R Lalngheta'n a kaihruai a; resolution siamin, "CYMA bultuma political party hrang hrang (BJP, INC, MNF, PC, ZPM)-te leh NGO hruaitute ṭhukhawm chuan UCC hman tura hmalak mekna hi kan duh lo a, theihtawpa do zui zel ṭha kan tiin, tun hi ṭanho hun tak niin kan hria. Kan ram, hnam leh sakhua a him zel theihnan theihtawpa ṭanho zel ṭha kan ti," an ti a ni.