KHAWTHLIR

Kamrula hmingin Bill dawng lo 
Chief minister Zoramthanga, Finance department enkawltu chuan ZPM member Lalduhoma zawhna chhángin, kum 2019 leh tun inkarah Kamrula Chhangte hmingin Treasury hrang hrangah bill dawn leh pek chhuah a awm loh thu a sawi.

SEDP HW 265 la
Health & Family Welfare minister Dr R Lalthangliana chuan INC member C Ngunlianchunga zawhna chhángin, SEDP hnuaiah health worker 265 leh helper 285 lak a nih tawh thu House a hrilh.

Khaw pariatah kawlphetha lut lo
Power & Electricity minister R Lalzirliana chuan INC member Lalrindika Ralte zawhna chhángin, Mizoramah kawlphetha (electric) luh lohna khua pariat a awm thu Assembly House a hrilh.

LS MP-in chah
Mizoram Telecom Advisory Committee chu nimin khan an chairman C Lalrosanga, Lok Sabha MP hoin Chief Wildlife Warden's conference hall-ah an ṭhukhawm a, BSNL hmalaknate an thlirho. C Lalrosanga chuan, BSNL hotute chu network coverage ramri lamah a ṭhat theihna atana hma la turin a chah.

Fire Awareness
Aizawl District Fire Prevention Committee chuan nimin khan Sihphir, Lungdai leh Sentlang khuaahte Fire Awareness Road Show an buatsaih. Road Show thupui chu 'Thapui thawhin kângmei chhuak tur i vêng ang u,' tih a ni a; mi hrang hrangin kângmei ven chungchang leh a kaihhnawih thilte an sawi a ni.

Quarry 219
ZPM member Dr Vanlalthlana zawhna ziaka chhangin, Commerce & Industries minister Dr R Lalthangliana chuan Directorate of Geology & Mining hnuaiah quarry permit nung 219 a awm tih a tarlang. Quarry hi Aizawl district-ah tam berin 112 a awm a, Siaha district-ah chuan a awm lo thung. Hetihlai hian, quarry permit pek chhuah zinga a tam zawk chu a thi tawh a ni.