Intiam tawhte tih vek a ni ang - RRRaIntiam tawhte tih vek a ni ang - RRRa

Sports & Youth Services minister Robert Romawia Royte chuan, intiamna (assurance) a pek tawhte chu tih vek a nih tur thu nimin khan Assembly session-ah a sawi.

INC member C Ngunlianchunga chuan, March 2, 2020-a budget session-ah, Thingkah YLA Information Office sakna turah SYS Minister-in, 'Eng pawh ni se, nuai 5 an lo hmu a nih chuan a ṭha tho a, a bak pawh ngaihtuahsak ka lo tum dawn nia, chu erawh chu assurance ka pe a che,' a tih chu a pek dawn leh dawn loh a zawt a ni.

Robert Romawia Royte chuan, assurance a pek tawhte chu pek vek a nih tur thu sawiin, "Sorkar sum chhuah hun hi financial year tawp dawn te, sum indaih lohna avangin kan K Deposit-a awmte emaw, kan sanction-te pawh hi han nghah khawm deuh ṭhin a ni. Tun lai hian sumte a chhuak thar a, kan pe ang tih hi ka chhanna ni se, assurance dang ka lo ti a nih pawhin kan ti vek ang," a ti.