Kan minister-te an ṭha - MNYF President

Mizo National Youth Front (MNYF) hruaitute chu nimin khan Hnam Runah an ṭhukhawm a, MNYF president Dr L Thangmawia, MLA chuan an minister-te an ṭhat hlawm thu a sawi.

Dr L Thangmawia chuan, "Kan minister-te an ṭha em em a, Opposition lamin sawiselna tur an hre lo. Covid hripui leng kara theihtawp chhuaha an hmalaknate a rah kan seng chho mek. Chuvangin, kumin inthlanpuiah pawh MNF-in hneh takin sorkarna a siam ngei dawnin a lang," a ti.

An elpui tur party an inrinsiak mek nia sawiin MNYF President chuan, "MLA ngah zawk leh a lian zawka inngai party hi hun rei loteah an chhungkhur buaina a puak keh lo ang tih a sawi theih loh," a ti a, an elpuite chhiat avang lawm mai loin, ram tana thawk tura an inpekna zawk avanga sorkar tum tur a nih thu a sawi.