Hmeichhe Inkhawmpui Lian tur thlirho

Minister of state Lalchhandama Ralte hoin nimin khan Darlawn Presbyterian Kohhran Hall-ah Darlawn khuaa Zoram Kohhran Hmeichhe Inkhawmpui Lian neih tura inbuatsaihna thlirho a ni a; Darlawn khaw chhung tihfai nan leh chei nan VC tin hnenah Rs 70,000 ṭheuh pek a nih thu a sawi.

Lalchhandama Ralte chuan, inkhawm-pui ṭan hmain PWD-in Darlawn khaw chhung kawng blacktopping an zawh hman tur thu te, PHE department hotute'n inkhawmpui chhungin tui hnianghnar taka pek an tum thu te, Power & Electricity hotute'n kawlphetha ṭha taka pek theih turin an ruahman dan te, Supply department hotute'n inkhawmpui hmain buhfai sem an tum thu te, Police lamin lirthei tlân dan tur mumal taka an ruahman thu te, sikul hrang hrangte chu mikhualte riah nan hman theih a nih tur thute a sawi bawk.