Thu dik lo sawiah Chief Minister puh

PC party president Vanlalruata chuan chief minister Zoramthanga chu health care scheme chungchanga thu dik lo sawiah a puh a; MLA dangte pawh budget zir chiang loah leh ram rawngbawl tlâk loah a puh bawk.

Vanlalruata chuan thuchhuah siamin, "'February 23-a Assembly session-ah khan chief minister Pu Zoramthanga'n Mizoram State Health Care Society budget thar hman turah cheng vbc. 50 dah a nih thu a sawi a, Health & Family Welfare budget thar uluk taka enin, hemi atan hian cheng khat mah dah a ni lo," a ti.

PC President chuan, CM thu sawi a dik lo tih hre phak lo khawp leh Health & Family Welfare budget sawiho ṭuma eptu MLA-te'n an sawi chhuak miah lo mak a tih thu sawiin, "Hetiang em ema eptu MLA-te'n budget an zir chiang lo hi pawi ka tiin, ram rawngbawl tlakah ka ngai lo hial a ni," a ti bawk.