Rotary Club-in ṭanpuina hlân

Rotary Club of Aizawl leh an thawhpuite chuan nimin khan Adventist Hospital, 7th Day Tlang hnenah khawl chi hrang hrang neonatal ventilator, laporoscopic surgery set, oxygen, air and vacuum pipeline-te an hlân.

Rotary Club of Aizawl president kal chhuak tur Ranjit Singh sawi danin, kum 1992 khan Aizawlah Rotary Club a ding a, kum 2013 aṭangin Aizawlah Adventist Hospital nen an thawk dûn a ni.

Adventist Hospital hnenah hian Club member mi 33-in an thawh khawm cheng nuai 24 bakah, Rotary Club San Bernardino, California, USA leh Rotary International District - 3240, 5330 leh 3220-te puihna nen cheng nuai 58.54 hu an hlân a ni.