Mizoram sorkarin PMJVK-ah Nuai 21,263.17 a hmu tawh

Mizoram sorkar chuan kum 2019-2023 chhungin Pradhan Mantri Jan Vikas Karyakram (PMJVK) aṭangin cheng nuai 21,263.17 a hmu tawh.

Finance department aṭanga thu dawn danin, PMJVK hnuaia sum hmuh chu central share cheng nuai 19,136.85 leh state share cheng nuai 2,126.32 a ni a, a vaiin cheng nuai 21,263.17 a ni.

PMJVK sum hmuh tawh zinga nuai 18,404.54 chu hman ral tawh a ni a; Sport & Youth Services department-in cheng nuai 1,764.71 leh Information & Communication Technology (ICT) depart­ment-in cheng nuai 757.37 an hmang.

SYS department hian cheng nuai 1,764.71 hmang­in hna chi hrang hrang 84 an thawk a, ICT depart­ment chuan cheng nuai 757.37 hmangin hna chi hrang 20 an thawk thung.

PMKJVK sum pawh­pên a nih leh nih loh zawh­na chu Finance depart­ment hotute chuan, "PMJVK hnuaia sum hmuhte hi hmun danga pawhpên hriat a ni lo," an ti.