Electric hrui siamnaa thite Rs 10,00,000-in rál

October 14, 2022-a Lawngtlai district-a Rúlkual khaw mi pathum, ramhnuaia electric hrui chat siamṭha tura an hnatlannaa kawlphetha (electric current)-in a man vanga thite chu Mizoram sorkarin Rs 10,00,000 ṭheuhin a rál.

October 2022 khan Rúlkual khaw ramah electric hrui a chah vangin Power & Electricity department leh khawtlang ṭangrualin October 14, 2022 khan siamṭha turin hnatlang an ko a; electric hrui an buaipui laia current a kal avangin Rulkual khaw mi pathum - Samuel Lalthianghlima, Lalramdinpuia leh Lalrinchhana te chu current-in manin an thi a ni.

Mi pathum chhungte hnenah Mizoram sorkar chuan tun hnai khan râlna Rs 10,00,000 ṭheuh a pe a; vanduaina thlen ṭuma hliam pahnih Lalrinenga leh Lalnghawrliana te hnenah kanna Rs 50,000 ve ve a pe bawk.