Chapchar Kût hlim taka hman laiin chap neitute dinhmun a retheihthlak - PC Party

Peoples' Conference party chuan thuchhuah siamin, sorkar sum tam tak sénga ropui taka Chapchar Kût hman a ni chu nuamin hlimawm viau mah se, chap chàr neitu loneitute dinhmun retheihthlâk tak thlirin, lungchhiatthlak an tih thu an tarlang.

PC party chuan, "Mizoram sorkarin chap chàr neitute chap leh khaw awm dan mila lo hâl a phalsak loh lai te, an hâl hun tur a bithliahsak lai te, an tan cheng khat mah budget-ah a dah loh lai te, thlai chi a ngaihtuahsak loh lai te, an lo-ah harsatna an tawh pawha a ngaihsak ngai loh lai te, an thar chhuah sâwngbàwlna tur a ngaihtuahsak loh lai te, a hralhna tur a ngaihtuahsak loh lai tea hlim taka kût hmang si a, kût neitu - loneitute ngaihsak leh si loh hi mak kan tiin, a intuhâ lo hleah kan ngai a ni," an ti.