Ram pum huap essay & poster inelna

School Education directorate leh INTACH, Mizoram Chapter chuan INTACH Headquarters, New Delhi bultumin March 2, Ningani khan DIET Aizawl auditorium-ah All India Essay & Poster Competition 2023 an buatsaih a, thupui chu 'Khana Khazana: My Food Heritage' tih a ni.

All India Essay & Poster Competition hi sikul naupang, pawl 7-9 zirlaite tana buatsaih a ni a, Aizawla sikul hrang hrang aṭangin zirlai ṭhahnem tak an tel.

Kumina inelnaah hian zirlaite chu anmahni hnam chawhmeh leh ei rawngbawl chungchang lem ziah leh thuziak hmangin an inel a; Mizote chawhmeh leh bâwlhlo - bai, sawhbàwl, sa-um leh chingalte ziahtir an ni hlawm.

Intihsiakna hi India ram pum huap a ni a, regional huap lawmman 100 leh national huap lawmman 10 a awm a, lawmman dawng pha turte chu INTACH hmunpuiin an thlang dawn a; inelnaa tel zawng zawng hnenah certificate pek vek a ni ang.