Sairêp nu hnenah Water Warrior award

HS Lalawmpuii, Sairêp VC president, Lunglei district chuan March 4, 2023 khan India President hnen aṭangin National Water Mission hnuaia Jal Shakti Abhiyan (JSA) buatsaih Water Warrior award a dawng.

Award hi India rama hmeichhia, faina, tuihna humhalh, ruahtui khâwl leh tui enkawlnaa thawk ṭha leh thawh hlâwkte chawimawina atana buatsaih a ni a; a hlanna inkhawm hi Vigyan Bhavan, New Delhi-ah Swachh Sujal Shakti Samman khuhhawnna hun hman rualin hman a ni.

Water Warrior award hi India ramah mi parukin an dawng a, chu'ng zingah chuan Sairep nu, HS Lalawmpuii a tel. Award dawnnaah hian PHE department official pahnih leh district danga tui leh faina lama thawk ṭha hmeichhia paliin an ṭawiawm.

HS Lalawmpuii hi Sairep VC president a ni a, an khuaah PHE chuan Jal Jeevan Mission project kalpui mekin, Sairep khuaa chhungkaw tin hnenah kawtkai tui connection pek a ni tawh.